Հայ միջնադարյան գեղարվեստական մշակույթում պահպանված նյութական հուշարձանների շարքում մեծաքանակ են խեցեգործության իրերը՝ իրենց բազմապիսի նպատակային բնույթով և ձևերով: Խեցեղենի հավաքածուներում առկա են մեծ թվով կենդանապատկեր կավանոթներ, թռչնակերպ խորաններ, լուսանցազարդեր: Առանձին խումբ է կազմում մարդկանց պատկերներով խեցեղենը:
Հովհ. Շարամբեյանի անվ. ժողովրդական ստեղծագործության կենտրոնում ներկայացված խեցեգործ վարպետների շարքում են Հրանտ Բաղդագուլյանը, Սամսոն Ճաղարյանը, Սահակ Սահակյանը, Բագրատ Խոջոյանը, Հենրիկ Սոլախյանը: Խեցեղեն հավաքածուն ընդգրկում է կանացիակերպ աղամաններ, խնոցի, կարասներ, մոմակալներ, սափորներ, քրեղաններ, խաչեր և կենցաղային այլ առարկաներ:
