ՀԱՅԱՍՏԱՆԻ ԱՆԿԱԽՈՒԹՅԱՆ 30-ԱՄՅԱԿԸ` ԺՈՂՈՎՐԴԱԿԱՆ ԱՐՎԵՍՏՆԵՐԻ ԹԱՆԳԱՐԱՆՈՒՄ
Սեպտեմբերի 21-22-ը Ժողովրդական արվեստների թանգարանում տեղի ունեցան միջոցառումներ` նվիրված ՀՀ Անկախության տոնին։ Միջոցառումների մեկնարկը տրվեց Թանգարանի Փայտարվեստի մասնաճյուղում` օրվա խորհուրդն ու ողջ պատմությունը իմաստավորող հանդիպմամբ. ԱՆԿԱԽՈՒԹՅԱՆ ՀԱՆՐԱՔՎԵԻ ՊԱՅՔԱՐԸ ԵՎ ՆՎԻՐՅԱԼՆԵՐԸ թեմայով բանախոսություն ներկայացրեց ՏԻՐ հայագիտական կենտրոնի հիմնադիր, հասարակական գործիչ Դավիթ Աղաջանյանը։
Այնուհետև տեղի ունեցավ ՀԱՅԱՍՏԱՆ. ԼՈՒՅՍՆ ԻՄ ՄԵՋ խորագրով ցուցահանդեսի բացման արարողությունը. Թանգարանը լուսավորվեց Կոմիտասով` «ՀՓԵ Զանգերի» համույթի (ղեկավար՝ Դոնավան Գրեյ, խմբավար՝ Թամարա Ղարիբյան) և թավջութակահար Նարեկ Հեքեքյանի կատարմամբ։ Թանգարանի` Հայաստանին նվիրված գեղանկարների հարուստ հավաքածուի մի մասը ներկայացնող այս ցուցահանդեսը բաց էր մինչև սեպտեմբերի 29-ը:
Անկախության տոնին նվիրված հաջորդ միջոցառումը` լույսի մի նոր չափաբաժնով, Լսողության խանգարումներ ունեցող երեխաների հատուկ կրթահամալիրի ԺԵՍՏ մնջախաղի թատրոնի ներկայացումն էր` «Աշխարհի արարումը» (մնջախաղի խմբակի ղեկավար՝ Գևորգ Պողոսյան, երգչախմբի ղեկավար՝ Զուբեյդա Մելիքյան)։