Մայիսի 18-ին՝ Թանգարանների միջազգային օրը և Թանգարանների համաեվրոպական գիշերը Ժողովրդական արվեստների թանգարանում տեղի ունեցավ «Հերիքնազ Գալստյան․ Ակունքից՝ տիեզերք» խորագիրը կրող ցուցահանդեսի բացումը՝ նվիրված քանդակագործ Հերիքնազ Գալստյանի (1959-2015) հիշատակին։ Ներկայացվեցին հեղինակի՝ տարբեր ժամանակաշրջաններում արված քանդակները, ցուցադրվեց Հերիքնազ Գալստյանի մասին պատմող ֆիլմ, ելույթ ունեցան «Շուշիկի բենդ» և «Տիեզերք բենդ» խմբերը: