ՀՀ ԿԳՄՍ նախարար Արայիկ Հարությունյանը սեպտեմբերի 24-ին Հովհաննես Շարամբեյանի անվան ժողովրդական արվեստների թանգարանի աշխատակիցներին ներկայացրեց նորընտիր տնօրեն Լուսինե Թորոյանին:
«Նախարարությունը և անձամբ ես որոշեցինք հնարավորություն տալ տիկին Թորոյանին՝ առաջիկա տարիներին իր առաջարկած ծրագրերն իրականացնել մեզ համար կարևոր մշակութային հաստատությունում: Վստահ եմ, որ նախարարության և մրցույթին մասնակցած մեր գործընկերների աջակցությամբ տիկին Թորոյանը կյանքի կկոչի իր առաջարկած հետաքրքիր գաղափարները»,- նշեց Ա.Հարությունյանը:
Ա. Հարությունյանը նաև շնորհակալություն հայտնեց թանգարանի արդեն նախկին տնօրեն Հովիկ Հովեյանին՝ վերջին տարիներին իրականացրած աշխատանքի համար. «Վստահ եմ` այն լավագույն ավանդույթները, որ եղել են թանգարանում և նաև Ձեր կառավարման տարիներին ներդրվել են, կշարունակվեն և լավ հիմք կհանդիսանան այս հաստատության հետագա զարգացման համար»: