«Ձեռք իմ երթիցեն, այլ նշանագիրք մնասցեն...»

Փետրվարի 22-ին՝ 14:00-ին, Ժողովրդական արվեստի կենտրոնում տեղի կունենա Գոհար Հակոբյանի անհատական ցուցահանդեսի բացումը՝ «Մասունք ավետարանաբարբառք» խորագրով: Կներկայացվեն ավետարանական թեմայով մանրանկարներ:
Ցուցահանդեսը բաց կլինի մինչև փետրվարի 29-ը: Մուտքն ազատ է:

Գոհար Հակոբյանը ծնվել է Թիֆլիսում: Մասնագիտությամբ հաշվապահ է: 1996թ.-ից զբաղվում է գեղանկարչությամբ, 2004թ.-ից՝ մանրանկարչությամբ: 2013թ.-ին ունեցել է անհատական ցուցահանդեսներ, 2015թ.-ին մասնակցել է Հայոց ցեղասպանության 100-ամյակին նվիրված ցուցահանդեսին՝ Վրաստանի խորհրդարանական ազգային գրադարանում: Մասնակցություն է ունեցել բազմաթիվ խմբակային և բարեգործական ցուցահանդեսների: Վրաստանում բազմիցս ներկայացրել է ՀՀ-ում և Արցախում իր կատարած ճանապարհորդության ընթացքում արված լուսանկարները՝ ուղեկցող պատմություններով:
------------------------
ք. Երևան, Աբովյան 64 (Աբովյան պուրակ)
(010) 569380
info.folkartcenter@gmail.com