«Սերունդների երկխոսություն». Տաթև Մնացականյանի լուսանկարչական աշխատանքների ցուցահանդեսը՝ նվիրված ՀՀ անկախության 25-ամյակին
17.09.2016
Սեպտեմբերի 17-ին մեր Կենտրոնում տեղի ունեցավ նկարիչ, գրաֆիկ-դիզայներ, լուսանկարիչ Տաթև Մնացականյանի՝ «Սերունդների երկխոսություն» խորագրով ցուցահանդեսի բացումը՝ «Մշակութային երկխոսություն» լուսանկարչական ծրագրի շրջանակներում: 6 տարի շարունակվող մշակութային այս երկխոսության մեջ ներգրավված են 17 երկրների արվեստագետներ՝ անվանի գեղանկարիչներ, գրողներ, քանդակագործներ, երաժիշտներ, գիտնականներ, ճարտարապետներ: Ծրագիրը երախտիքի և հարգանքի մի դրսևորում է այն արվեստագետների հանդեպ, ովքեր արժանի են ճանաչման ու մեծարման իրենց երկրայի՛ն կյանքի ընթացքում: Նախագիծը համահունչ է ՄԱԿ-ի և ՅՈՒՆԵՍԿՕ-ի մարդասիրական գաղափարներին և նպաստում է միջմշակութային երկխոսության զարգացմանն ու քաղաքակրթությունների մերձեցմանը:
Ցուցահանդեսը նվիրված է Հայաստանի Հանրապետության անկախության 25-ամյակին:
Ցուցահանդեսը բաց է մինչև սեպտեմբերի 26-ը:
Հովհ. Շարամբեյանի անվան Ժողովրդական ստեղծագործության կենտրոն
ք. Երևան, Աբովյան 64
+374(10) 569380, +374(10) 569383
info.folkartcenter@gmail.com
Ցուցահանդեսը բաց է մինչև սեպտեմբերի 26-ը:
Հովհ. Շարամբեյանի անվան Ժողովրդական ստեղծագործության կենտրոն
ք. Երևան, Աբովյան 64
+374(10) 569380, +374(10) 569383
info.folkartcenter@gmail.c
Տաթև Մնացականյան
Նկարիչ, գրաֆիկ-դիզայներ, լուսանկարիչ: Ծնվել է Երևանում: Գերազանցությամբ ավարտել է Գեղարվեստի պետական ակադեմիայի դիզայնի բաժինը: Աշխատել է «Զեբրա» գովազդային գործակալությունում և HSBC բանկում՝ որպես գրաֆիկ դիզայներ: Մասնակցել է տարբեր միջազգային փառատոների և ցուցահանդեսների, արժանացել պարգևների: 2010 թ.-ից իրականացնում է «Մշակութային երկխոսություն» լուսանկարչական արվեստի նախագիծը՝ նվիրված արվեստի երախտավորներին, մասնավորապես նկարիչ-քանդակագործներին, ճարտարապետներին, կոմպոզիտորներին և գիտնականներին: Նրա հերոսներից ամենատարեցը 102 տարեկան է: Ըստ Տաթև Մնացականյանի՝ ներկայումս ապրող արվեստագետները հարգանքի և գնահատանքի են արժանի իրենց կենդանության օրոք, այլ ոչ մահից հետո:
