Հունվարի 21-31-ը մեր Կենտրոնում կայացավ ԱԺ պատգամավոր Արագած Ախոյանի՝ «Վերադարձ…» խորագիրը կրող առաջին անհատական ցուցահանդեսը:

«...Ինչ վերաբերում է կյանքը պատկերելուն, ապա եթե հնարավոր լիներ, ես կպատկերեի երազի ձևով, որովհետև կյանքը քաղցր երազ է: Իսկ Աստված այդ կյանքը տվել է, որ մարդը սիրուն ապրի...»: © Արագած Ախոյան

Կենսագրություն
Արագած Ախոյանը ծնվել է 1962թ. Աշտարակի շրջանի Ձորափ (այժմ՝ Արագածոտնի մարզի Աղձք) գյուղում: 1985թ. ավարտել է Երևանի Փ. Թերլեմեզյանի անվան գեղարվեստի ուսումնարանի գեղանկարչական ֆակուլտետը: 2010թ. ավարտել է Հայաստանի պետական ագրարային համալսարանի տնտեսագիտական ֆակուլտետը: 1985-1987թթ. ‹‹Հայֆիլմ›› կինոստուդիայում աշխատել է որպես հատային հրատարակչության խմբագիր: 1992-2010 թթ. զբաղվել է ձեռնարկատիրական գործունեությամբ: 15.12.2010-31.05.2012 թթ.՝ ԱԺ պատգամավոր. Ազգային ժողովի եվրոպական ինտեգրման հարցերի մշտական հանձնաժողովի անդամ, ‹‹Բարգավաճ Հայաստան›› խմբակցության անդամ: 2012թ. մայիսին ընտրվել է Ազգային ժողովի պատգամավոր, ԱԺ սոցիալական հարցերի մշտական հանձնաժողովի անդամ է: 2011թ.-ից՝ ‹‹Ուղղափառության միջխորհրդարանական վեհաժողով›› միջազգային խորհրդարանական կազմակերպության նախագահության խորհրդի անդամ: 2016թ.-ին՝ նույն կազմակերպության մշակութային հանձնաժողովի նախագահ: ‹‹Արևմտահայոց ազգային համագումար›› միջազգային, ոչ կառավարական հասարակական կազմակերպության Ազգային Խորհրդի նախագահության անդամ է, ՀՀ լիազոր ներկայացուցիչ:

www.facebook.com/events/1228751840537160/