Նարինե Չիլինգարյան. «Ճախրանք» (12.03-18.03.2016)
12.03.2016
Նարինե Չիլինգարյանի ստեղծագործական «Ճախրանք»-ը հյուրընկալվել էր Հովհ. Շարամբեյանի անվան ժողովրդական ստեղծագործության կենտրոնում: Հեղինակը հենց այս խորագիրն էր ընտրել իր առաջին անհատական ցուցահանդեսի համար:
Մասնագիտությամբ դերասան Նարինե Չիլինգարյանը հեռուստալրագրող է: Աշխատում է Երկիր Մեդիա հեռուստաընկերությունում: Հեղինակել է մի շարք հաղորդումներ: 5 տարի առաջ սկսել է ստեղծագործել նկաչության ոլորտում, և ահա ծնվել է արվեստագետի հույզերի ճախրանքն արտացոլող դիմանկարների շարքը:
Ստեղծագործական «Ճախրանք»-ի հետքերով ցուցահանդեսի բացմանը ներկա էին հանրաճանաչ ռեժիսոր-վավերագրող, սցենարիստ Արտավազդ Փելեշյանը, Կոմպոզիտորների միության նախագահ Արամ Սաթյանը, այլ հանրահայտ մտավորականներ, արվեստագետներ ու արվեստասերներ: Կենտրոնի տնօրեն, բանաստեղծ Հովիկ Հովեյանը հեղինակի ստեղծագործելու ձևաչափը համեմատեց մակրոմոլեկուլյար տեսության հետ. «Աշխարհի ստեղծման մակրոմոլեկուլյար տեսությունը նաև մեր ժողովրդական վարպետներին հանգիստ չի տալիս: Ի՞նչ է ստեղծում Նարինե Չիլինգարյանը. ստեղծում է այն գիծը, որը երբեք գիծ չէ, այն շրջագիծը, որը շրջապտույտ չէ, այն տարածությունը, որը բաղկացած է ամենափոքրիկ մասնիկներից`նանոններից, և այդ ստեղծագործական պրոցեսում առաջանում է այն ռեակցիան, որը տալիս է մի հրավառություն, որի անունն է իսկական արվեստ: Ո՞վ է Չիլինգարյանը. արվեստագետ, գեղագետ, ով բերում է իր աշխարհը, իր ստեղծագործությունները: Եվ այդ գրաֆիկական աշխատանքները մեզ ներկայանում են որպես հարթապատկերներ և նույնիսկ գեղանկարներ, որոնք ունեն նաև եռաչափ ընկալման զգացողություն: Եվ այսօր մենք ունենք հրաշալի ժողովրդական վարպետ` Նարինե Չիլինգարյան»: Հեղինակին ու նրա ստեղծագործությունները ներկայացնող այս խոսքերով էլ ցուցահանդեսը հայտարարվեց բացված:
«Չիլինգարյան-Մամիկոնյան տոհմ» հասարակական պատմաազգագրական կազմակերպության նախագահ, գեներալ-մայոր Մելս Չիլինգարյանը, ողջունելով ներկաներին, ասաց. «Այս ցուցահանդեսը մեծ տոն է Չիլինգարյան տոհմի համար: 6 տարի է, ինչ կազմավորվել է մեր կազմակերպությունը, և Նառան զբաղվում է կազմակերպչական գործերով: Նարինեի մեջ միշտ գարուն է: Ինքը շատ է սիրում կյանքը, որը երևում է նաև այս ցուցադրությունից: Մեր տարեգրքի մեջ կարող ենք գրել, որ ունենք մշակույթի գործիչ, ով մեր տոհմից է»:
Երաժշտական նվեր-կատարմամբ հանդես եկավ ՀՀ վաստակավոր երգիչ Ռուբեն Սահակյանը:
Հեղինակը գարնանամուտին բացված իր ցուցահանդեսը նվիրեց իր մայրիկին և բոլոր կանանց՝ նշելով, որ կանայք մոլորակի շարժիչ ուժն են և չի պատկերացնում աշխարհն առանց կանանց ու նրանց ստեղծագործականության:
Լուսանկարները՝ Գագիկ Գասպարյանի:
Մասնագիտությամբ դերասան Նարինե Չիլինգարյանը հեռուստալրագրող է: Աշխատում է Երկիր Մեդիա հեռուստաընկերությունում: Հեղինակել է մի շարք հաղորդումներ: 5 տարի առաջ սկսել է ստեղծագործել նկաչության ոլորտում, և ահա ծնվել է արվեստագետի հույզերի ճախրանքն արտացոլող դիմանկարների շարքը:
Ստեղծագործական «Ճախրանք»-ի հետքերով ցուցահանդեսի բացմանը ներկա էին հանրաճանաչ ռեժիսոր-վավերագրող, սցենարիստ Արտավազդ Փելեշյանը, Կոմպոզիտորների միության նախագահ Արամ Սաթյանը, այլ հանրահայտ մտավորականներ, արվեստագետներ ու արվեստասերներ: Կենտրոնի տնօրեն, բանաստեղծ Հովիկ Հովեյանը հեղինակի ստեղծագործելու ձևաչափը համեմատեց մակրոմոլեկուլյար տեսության հետ. «Աշխարհի ստեղծման մակրոմոլեկուլյար տեսությունը նաև մեր ժողովրդական վարպետներին հանգիստ չի տալիս: Ի՞նչ է ստեղծում Նարինե Չիլինգարյանը. ստեղծում է այն գիծը, որը երբեք գիծ չէ, այն շրջագիծը, որը շրջապտույտ չէ, այն տարածությունը, որը բաղկացած է ամենափոքրիկ մասնիկներից`նանոններից, և այդ ստեղծագործական պրոցեսում առաջանում է այն ռեակցիան, որը տալիս է մի հրավառություն, որի անունն է իսկական արվեստ: Ո՞վ է Չիլինգարյանը. արվեստագետ, գեղագետ, ով բերում է իր աշխարհը, իր ստեղծագործությունները: Եվ այդ գրաֆիկական աշխատանքները մեզ ներկայանում են որպես հարթապատկերներ և նույնիսկ գեղանկարներ, որոնք ունեն նաև եռաչափ ընկալման զգացողություն: Եվ այսօր մենք ունենք հրաշալի ժողովրդական վարպետ` Նարինե Չիլինգարյան»: Հեղինակին ու նրա ստեղծագործությունները ներկայացնող այս խոսքերով էլ ցուցահանդեսը հայտարարվեց բացված:
«Չիլինգարյան-Մամիկոնյան տոհմ» հասարակական պատմաազգագրական կազմակերպության նախագահ, գեներալ-մայոր Մելս Չիլինգարյանը, ողջունելով ներկաներին, ասաց. «Այս ցուցահանդեսը մեծ տոն է Չիլինգարյան տոհմի համար: 6 տարի է, ինչ կազմավորվել է մեր կազմակերպությունը, և Նառան զբաղվում է կազմակերպչական գործերով: Նարինեի մեջ միշտ գարուն է: Ինքը շատ է սիրում կյանքը, որը երևում է նաև այս ցուցադրությունից: Մեր տարեգրքի մեջ կարող ենք գրել, որ ունենք մշակույթի գործիչ, ով մեր տոհմից է»:
Երաժշտական նվեր-կատարմամբ հանդես եկավ ՀՀ վաստակավոր երգիչ Ռուբեն Սահակյանը:
Հեղինակը գարնանամուտին բացված իր ցուցահանդեսը նվիրեց իր մայրիկին և բոլոր կանանց՝ նշելով, որ կանայք մոլորակի շարժիչ ուժն են և չի պատկերացնում աշխարհն առանց կանանց ու նրանց ստեղծագործականության:
Լուսանկարները՝ Գագիկ Գասպարյանի:
